Xeberle.com xəbər verir ki, hadisə şəhərin Niyazi küçəsində baş verib.

Yol nəqliyyat hadisəsi zamanı 90 XU 132 dövlət nömrə nişanlı "Mercedes” markalı minik avtomobili ilə 90 VH 281 dövlət nömrə nişanlı "KİA” markalı avtomobil toqquşub. Nəticədə Kia markalı minik avtomobilinin sürücüsü Fəxrəndə Əlifxanova müxtəlif dərəcəli bədən xəsarətləri alaraq Təcili Tibbi Yardım avtomobili ilə xəstrəxanaya aparılıb. "Mercedes” markalı minik avtomobilin sürücüsü isə qəzadan dərhal sonra hadisə yerindən yayınıb.

Şahidlərin sözlərinə görə, qəzaya səbəb 90 XU 132 dövlət nömrə nişanlı "Mercedes” markalı minik avtomobilinin yüksək sürətlə idarə olunması və qarşı tərəfin yoluna çıxması göstərilir. Hadisədən sonra avtomobili tərk edərək qaçan gəncin isə idarə etdiyi maşın isə atasına məxsus olub. Onun avtomobil sürməsinə dair heç bir sənədi olmayıb.

Faktla bağlı araşdırma aparılır.