Sumqayıtda səyyar satışla məşğul olan şəxsdən xeyli miqdarda partlayıcı oyuncaqlar götürülüb.
Daxili İşlər Nazirliyinin saytının verdiyi məlumata görə, Baş İctimai Təhlükəsizlik İdarəsinin əməkdaşları tərəfindən Sumqayıt şəhərində səyyar satışla məşğul olan Məmiş Bəylərovdan 16300 ədəd yüksək səsyayıcı qabiliyyətə malik olan partlayıcı oyuncaqlar və pirotexniki məmulatlar götürülüb.
Həmçinin, Biləcəri qəsəbəsinin ərazisində səyyar satışla məşğul olan Etibar Həsənovdan 1200 ədəd, Lökbatan qəsəbəsinin ərazisində yerləşən ticarət mərkəzində, orada satıcı işləyən Zöhrab Mirzəyevdən 5200 ədəd yüksək səsyayıcı qabiliyyətə malik olan partlayıcı oyuncaqlar və pirotexniki məmulatlar müsadirə edilib. (apa.az)