Vətən müharibəsində ağır yaralanaraq 6 ay koma vəziyyətində qalan Nurlan Əbilov vəfat edib.
Xeberle.com-un məlumatına görə, 26 yaşlı Nurlan bu gün səhər saatlarında şəhidlik zirvəsinə ucalıb.
O, doğulduğu Masallı rayonunda torpağa tapşırılacaq.
Qeyd edək ki, Nurlan Fərrux oğlu Əbilov 1994-cü ildə Masallı rayonun Ağakişibəyli kəndində anadan olub. Vətən müharibəsinin ilk günlərindən döyüşlərə qatılıb, oktyabrın 8-də Füzuli uğrunda gedən döyüşlərdə başından ağır yaralanıb. Həmin vaxtdan Silahlı Qüvvələrin Baş Klinik Hospitalında müalicə alıb.
Şəhidin 3 və 5 yaşlarında iki oğlu yadigar qalıb.
Xəbərdən istifadə edərkən istinad etmək vacibdir.
