Sumqayıtda kişi öz evini yandırdı.
Xeberle.com-un məlumatına görə, hadisə şəhərin 47-ci məhəllə ev 16, mənzil 3-də baş verib.
Bildirilir ki, evdə ərlə arvadın hər ikisi anadan gəlmə dil qüsurludur. Qonşular hadisənin ev sahibi Elşən adlı şəxs tərəfindən qəsdən törədildiyini deyib. Yanğını ev sahibi səhər saatlarında törədib. Hadisə yerinə Sumqayıt şəhər Polis İdarəsinin , FHN-nin dövlət yanğından Mühafizə İdarəsinin bir texnikası və canlı qüvvəsi cəlb olunub. Üç otaq və ümumi sahəsi 60 kvadratmetr olan evdə çıxan yanğın söndürülüb və qonşu mənzillərə keçməsinin qarşısı alınıb.
Hadisə törədən şəxs Polis İdarəsinə dəvət olunaraq izahatı alınıb.
Faktla bağlı araşdırma aparılır.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
