Abşeron rayonu ərazisində mənzillərdən oğurluq edən iki nəfər saxalanılıb. Abşeron rayon Polis İdarəsindən məlumata görə keçirilən əməliyyat zamanı 1985-ci il təvəllüdlü Quliyev Səfər Hüseyn oğlu və 1967-ci il təvəllüdlü İsmayılov İlqar Rəşid oğlu saxlanılıb. Hər iki şəxs Xırdalan şəhər sakini Abdullayev Bəylər Tanrıverdi oğlunu evindən məişət və qızıl-zinət əşyaları oğurlamaqda şübhəli bilinirlər.

Qeyd edək ki, saxlanılan İ.İsmayılov və S.Quliyev Sumqayıt şəhər sakinləridir, hər ikisi əvvəllər də oğurluq etdikləri üçün məhkum olunublar. Faktla bağlı saxlanılan şəxslər barəsində cinayət işi başlanılıb, istintaq davam edir.  (report.az)