Sumqayıtda məhkəmədə ölüm hadisəsi qeydə alınıb.
Bu haqda Qarabağ qazisi Rey Kərimoğlu feysbuk hesabında yazıb.
O bildirib ki, ehtiyatda olan polkovnik-leytenant Şahmurad Məmmədovun məhkəmədə ürəyi partlayıb, dünyasını dəyişib.
"Məhkəmə və bank 5 uşaq atasının bütün pensiyasını borca yönəldibmiş”, - deyə Rey Kərimoğlu paylaşımında qeyd edib.
Qeyd edək ki, Şahmurad Məmmədov həm də QHT rəhbəri idi.(qafqazinfo.az)
xxx
15:15
Sumqayıtda 60 yaşlı kişi qəfildən vəfat edib.
Xeberle.com-un məlumatına görə, hadisə Sumqayıt şəhərində yerləşən inzibati binalardan birində qeydə alınıb. Belə ki, Sumqayıt sakini, 1962-ci il təvəllüdlü Məmmədov Şahmurad Müseyib oğlunun qəfildən vəziyyəti pisləşib və vəfat edib. 60 yaşlı kişinin ürək tutmasından öldüyü bildirilir.
Mərhumun meyiti aidiyyatı üzrə təhvil verilib.
Qeyd edək ki, Ş. Məmmədov Birinci Qarabağ Müharibəsi əlilidir.
Xədicə Səxavətqızı
Xəbərdən istifadə edərkən istinad etmək vacibdir.
