Xeberle.com sumqayitxeber.com saytına istinadən xəbər verir ki, Sumqayıt şəhərində 16 yanvar 2015-cil tarixində avtomobil  sexində baş vermiş partlayış nəticəsində yaralanmış Sumqayıt şəhər sakini dünyasını dəyişib.

Partlayış nəticəsində dünyasını dəyişən Emil adlı şəxs sexdə  avtomobil təmiri ilə məşğul olurmuş. Partlayış nəticəsində başından ağır xəsarət alan şəxs dünən xəstəxanada dünyasını dəyişib.

Qeyd edək ki, hadisə nəticəsində ümumi sahəsi 20 kv.m olan mağazanın dam örtüyü, əsas divarları, ona bitişik sexin dam örtüyü və arakəsmə divarları 60 kv.m sahədə dağılmışdı. Sexdə dayanmış "Hyundai” və "Mitsubishi” markalı minik avtomobilləri dağıntı altında qalmış və iki nəfər xəsarət almışdı.