Sumqayıt Tibb Mərkəzi göstərən "Sunset” istirahət mərkəzindəki partlayışda xəsarət alanlarla bağlı məlumat yayıb.
Mərkəzdən Xeberle.com-a bildirilib ki, bu gün saat 19:12 radələrində Sumqayıtın Sahil küçəsində partlayış olması barədə Sumqayıt Tibb Mərkəzinin Təcili Tibbi Yardım Stansiyasına çağırış olub.
Çağırışla əlqədar hadisə yerinə 2 briqada cəlb olunub və məlum olub ki, Corat-Novxanı yolunda, Sahil küçəsində fəaliyyət göstərən "Sunset” istirahət mərkəzində suqızdırıcının (kombi) partlaması nəticəsində 3 nəfər müxtəlif dərəcəli yanıq xəsarətləri alıblar. Xəsarət alan 1972, 1969-cu il təvəllüdlü ikisi qadın və 1963-cü il təvəllüdlü biri kişi olmaqla Sumqayıt Tibb Mərkəzinin Təcili Tibbi Yardım Xəstəxanasına yerləşdiriliblər.
Vəziyyətləri ağır olan hər 3 şəxs təcili tibbi yardım avtomobili ilə Nərimanov Tibb Mərkəzinin nəzdində olan Yanıq Mərkəzinə yola salınıb.
xxx
Sumqayıtda istirahət mərkəzində partlayış olub, yaralananlar var
Xeberle.com-un məlumatına görə, hadisə şəhərin Sahil küçəsində qeydə alınıb.
Orada fəaliyyət götərən "Sunset” istirahət mərkəzinin qazanxanasında partlayış baş verib. Hadisə nəticəsində 3 nəfər müxtəlif dərəcəli yanıq xəsarətləri alaraq Təcili Tibbi Yardım Xəstəxanasına yerləşdirilib.
Vəziyyətlərinin ağır olduğu bildirilir.
Xəbərdən istifadə edərkən istinad etmək vacibdir.
