Sumqayıtda şəhid lövhəsi oğurlanıb.
Xeberle.com-un məlumatına görə, hadisə şəhərin 1-ci
mikrorayonunda qeydə alınıb. Belə ki, noyabrın 29-u gecə saatlarında naməlum
şəxslər Vətən mürahibəsi şəhidi, mayor Rahib Babayevin xatirəsinə qoyulmuş lövhəni yerindən çıxararaq oğurlayıblar.
Hadisə ilə bağlı hüquq-mühafizə orqanlarına məlumat verilib.
Qeyd edək ki, Azərbaycan Ordusunun mayoru olan Rahib Babayev
2020-ci il sentyabrın 27-də Azərbaycan Silahlı Qüvvələri tərəfindən Ermənistan
işğalı altında olan ərazilərin azad edilməsi üçün başlanan Vətən müharibəsi
zamanı Murovdağ istiqamətində gedən döyüşlərdə şücaət göstərib..
"Canavar" postunun alınmasında iştirak edib və sentyabrın 30-da şəhid
olub.
Oktyabrın 2-də Sumqayıt
şəhər Şəhidlər Xiyabanında dəfn olunub.
Xəbərdən istifadə edərkən istinad etmək vacibdir.
