Xəbər verdiyimiz kimi, Sumqayıtda Mehdi Hüseynzadə adına stadionda yenidənqurma işləri artıq yekunlaşıb. Bir müddət bundan əvvəl açılışına hazırlıq gedən Sumqayıt stadionu ərazisində arenanın adını daşıdığı Sovet İttifaqı qəhrəmanı Mehdi Hüseynzadənin büstünün qoyulması ilə bağlı məlumat verilmişdi. Lakin hələ də stadionda qəhrəmana aid hər hansı lövhə, barelyef quraşdırılmayıb, əksinə əvvəldən olan lövhə də yığışdırılıb.
Məsələ ilə bağlı Xeberle.com-a açıqlama verən stadionun müdiri Nadir Quliyev bildirib ki, sözügedən lövhədə stadionun 2022-ci ildə ölkə başçısı İlham Əliyevin sərəncamı ilə tikilməsinə dair məlumat yazılıb. "Günümüzdə Mehdi Hüseynzadəyə aid barelyefin quraşdırılacağına aid danışıqlar aparılır. Hazır olan kimi stadionun girişində quraşdırılacaq", - deyə N.Quliyev qeyd edib.
Xədicə Səxavətqızı
Xəbərdən istifadə edərkən istinad etmək vacibdir.
