![“Sumqayıt”ın yoxlama görüşündəki rəqibi dəyişib “Sumqayıt”ın yoxlama görüşündəki rəqibi dəyişib](/uploads/posts/2023-01/medium/1673442344_678d7536-35fe-35a3-ac6a-4a1f96341fed_850-1.jpg)
Türkiyədə təlim-məşq toplanışında olan "Sumqayıt” komandasının yoxlama görüşündəki rəqibi dəyişib.
"Gənclik şəhəri” təmsilçisindən Xeberle.com-a verilən məlumata görə, ilk oyundakı rəqiblə bağlı planda dəyişiklik olub.
Samir Abasovun yetirmələri öncədən nəzərdə tutulduğu kimi, Macarıstan təmsilçisi "Mezököveşt”lə deyil, Serbiyanın "Radnik” klubu ilə üz-üzə gələcək. Yanvarın 12-də "Topkapı” hotelinin meydançasında baş tutacaq qarşılaşma Bakı vaxtı ilə saat 17:00-da start götürəcək.
Qeyd edək ki, "Sumqayıt” Antalyada ikinci yoxlama görüşünü yanvarın 17-də Rusiya klubu "Krılya Sovetov”la keçirəcək.
Xəbərdən istifadə edərkən istinad etmək vacibdir.