Rusiyanın "Arsenal” (Tula) klubundan ayrılan Kamran Əliyev "Sumqayıt”la anlaşıb.
Xeberle.com "report"a istinadən xəbər verir ki, 25 yaşlı futbolçunun Premyer Liqa klubu ilə danışıqları müsbət yekunlaşıb.
Türkiyədəki təlim-məşq toplanışı zamanı "Sumqayıt”ın düşərgəsində olan Azərbaycanın U-20 yığmasının sabiq hücumçusu bu günlərdə rəsmi müqaviləyə qol çəkəcək. Əliyevin transfer vərəqəsi əlində olduğundan, bu keçid "gənclik şəhəri” təmsilçisinə havayı başa gəlib.
Qeyd edək ki, "Sumqayıt” qış fasiləsində Kamran Əliyevdən əvvəl yaponiyalı yarımmüdafiəçi Musaki Murata və braziliyalı hücumçu Dieqo Kariokanı transfer edib
Xəbərdən istifadə edərkən istinad etmək vacibdir.
