"Sumqayıt”ın futbolçusu Vüqar Mustafayevin cəzası açıqlanıb.
Xeberle.com xəbər verir ki, AFFA İntizam Komitəsi yarımmüdafiəçini 2 oyunluq diskvalifikasiya edib.
Buna səbəb Mustafayevin Premyer Liqanın XXVIII turunda "Turan Tovuz”la oyunda qırmızı vərəqə alması olub. "Gənclik şəhəri” təmsilçisi buna görə, 1600 manat cərimələnib.
Həmin qarşılaşmanın "Kəpəz” – "Səbail” matçı başa çatdıqdan sonra meydançaya kənar şəxslərin daxil olması gəncəlilərin 1600 manat cərimə olunması ilə nəticələnib. Bənzər hadisə "Sabah” – "Qəbələ” görüşündən əvvəl yaşanıb. Bu üzdən bakılılar 1600 manat ödəməli olacaqlar.
Xəbərdən istifadə edərkən istinad etmək vacibdir.
