28 - 29 - 30 aprel 2023-cü il tarixində Bolqarıstanın Kranevo şəhərində Dünya və Avropa Şotokan Federasiyasının (WSF / ESF) təşkilatçılığı ilə 13-cü Avropa çempionatı keçirilmişdir.
Sumqayıtdan olan iki həmyerlimiz - Azərbaycan komandasının kapitanı, 2-ci dan qara kəmər sahibi, dünya çempionu Ülvi Məmmədov 84 kq və eləcə də digər idmançımız, 1-ci dan qara kəmər sahibi, dünya birinciliyinin bürünc mükafatçısı Elnur Alıyev 75 kq çəki dərəcəsində keçirilən yarışda iştirak ediblər.
Gərgin keçən yarışda həmyerlimizin hər ikisi Çexiya, Rumuniya, Gürcüstan və Bolqarıstanı təmsil edən karateçilərin hamısına qalib gələrək Avropa çempionu titulunu qazanıblar.
Bu münasibətlə hər iki həmyerlimizi ürəkdən təbrik edir və gələcəkdə keçirilən yarışlarda da uğurlar arzulayıram.
Onu da vurğulamaq istərdim ki, bu yarışda Avropa çempionu adını qazanan Ülvi Məmmədov, həmin yarışda iştirak edən və Avropa çempionu olan Elnur Alıyevin tələbəsidir. Elə bu baxaımdan da Elnur Alıyev həm iştirakçı kimi sevinc və həm də müəllim kimi qürur hisslərini yaşamaqdadır.
Sevinciniz, qürurunuz davamlı olsun!
Arif Ərşad
Xəbərdən istifadə edərkən istinad etmək vacibdir.
