2023/24 mövsümünə hazırlıqların davam etdirən "Sumqayıt" "transfer bazarı"nda o qədər də aktiv görünmür. Xüsusi ilə də əcnəbi transferində.
Bu da haqqlı olaraq komandanın yeni mövsüm iddiasız olacağı görüntüsünü yaradır. Amma...
Arxada qalan müddətdə "kimyaçılar" cəmi 2 legionerlə rəsmi anlaşma imzalayıb.
Söhbət Estoniya millisinin üzvü Erik Sorqa və İsrail millisinin üzvü Roi Kahatdan gedir.
Yol üstündən olan minimum 3-4 legioner də var.
Prosesin belə ləng getməsi heç də səbəbsiz deyilmiş.
Belə ki, baş məşqçi Samir Abasov ötən mövsümün sonu rəhbərliklə görüşdə yeni planlarını dilə gətirib.
Təcrübəli mütəxəssis Stiven Pereyra və Musata Moratdan başqa bütün legionerlə yolları ayırmağa qərar verib.
Və bu il legionerin sayına yox, keyfiyyətinə önəm verəcəyini hər kəsin diqqətinə çatdırıb.
O, klub başbilənlərini 3-4 min dollarlıq əcnəbidənsə elə yerli gənclərə şans verməyin daha effektiv olacağına inandırıb.
Əvəzində yüksək qiymətə, daha sanballı 5-6 legioner alınması şərtini irəli sürüb. Onun istəyi müsbət reaksiya görüb.
Bu gün klub rəhbərliyi də Abasovun istəyinə uyğun siyasət aparır. Yeni əcnəbilər uzun müddət saf-çürük edilərək alınır. Üstünlük milli üzvlərinə, təcrübəli adlara verilir. Məsələn, əvvəlki illər perespektiv vəd edənlər daha ön planda olurdu.
Heç də təsadüf deyil ki, rəsmi açıqlanan hər iki yeni əcnəbi milli üzvləridir. Danışıqların aparıldığı digərləri də kifayət qədər sanballı futbolçulardı. Elə danışıqların uzanması, keçidin rəsmiləşməsi bu səbəblərdəndir.
Baş məşqçi də vəd verdiyi kimi, heç vaxt olmadığı sayda gənci özü ilə Türkiyəyə aparıb. Ki, yeni mövsüm onların xidmətindən istifadə etsin.
Əslində kifayət qədər ağıllı gedişdir. Düzdü, zədə, cəza ehtimalın hesablasaq bir qədər də riskli qərardı. Ən yaxşısı gözləyək.
Necə olacağını isə təbii ki, zaman göstərəcək.
Xəbərdən istifadə edərkən istinad etmək vacibdir.
