Bu gün Azərbaycan Premyer Liqasında XI tura yekun vurulacaq.
Xəbərlə.com məlumat verir ki, son gündə çempion "Qarabağ” meydana çıxacaq.
Ağdam təmsilçisi çempionatın sürpriz komandalarından olan "Araz-Naxçıvan”la qarşılaşacaq. Qadınlardan ibarət Azərbaycan millisinin Millətlər Liqasındakı matçı "Dalğa Arena”da keçiriləcəyindən, Naxçıvan təmsilçisi rəqibini Tofiq Bəhramov adına Respublika stadionunda qəbul edəcək.
Bu turda "Zirə” büdrədiyindən, "Qarabağ” qələbə qazanacağı halda vahid liderliyə yüksələcək. Əks təqdirdə isə "Araz-Naxçıvan” ikinci pillədəki rəqibi ilə xal fərqini aradan qaldıracaq.
Qeyd edək ki, turun əvvəlki oyunlarında "Zirə” "Səbail”lə (2:2), "Sumqayıt” "Qəbələ” ilə (0:0) bərabərə qalıb, "Turan Tovuz” "Kəpəz”ə (4:0), "Sabah” isə "Neftçi”yə (1:0) qalib gəlib.
Premyer Liqa
XI tur
30 oktyabr (bazar ertəsi)
19:00. "Araz-Naxçıvan” - "Qarabağ”
Hakimlər: Əliyar Ağayev, Zeynal Zeynalov, Akif Əmirəli, Rəşad Əhmədov.
Hakim-inspektor: Ceyhun Haşımov.
AFFA nümayəndəsi: Aslan Şahgəldiyev.
Tofiq Bəhramov adına Respublika stadionu.
Bombardirlər: Olavio Juninyo ("Qarabağ”) - 7, Aleksandr Ramalinqom ("Səbail”) - 5, Pedro Nuno ("Səbail”) - 4.
Xəbərdən istifadə edərkən istinad etmək vacibdir.
