Türkiyənin Antalya şəhərində keçirilən kempo idmanı üzrə 12-ci dünya çempionatı başa çatıb. Yarış komandamız üçün çox uğurlu olub. Baş məşqçi Rauf İbrahimovun rəhbərliyi altında idmançılarımız 4 qızıl, 4 gümüş və 4 bürünc medal qazanıblar.
Azərbaycan Kempo Federasiyasının Mətbuat xidmətindən Xeberle.com-a verilən məlumata görə, yarışda Azərbaycanı Kempo Federasiyasının prezidenti Rauf İbrahimlinin rəhbərliyi ilə 14 idmançı təmsil edib. İdmançılarımızdan Toğrul İbrahimli yeniyetmələr arasında 45 kq çəki dərəcəsində Full-Kempo və Submission üzrə, Peyman Vəlizadə 50 kq çəki dərəcəsində yeniyetmələr arasında Full-Kempo üzrə və Elmar Cəfərov 75 kq çəki dərəcəsində kişilər arasında Submission üzrə I yerə layiq görülərək qızıl medala sahib olublar.

Dünya Çempionatında Rüfət Cəbrayılov 80 kq çəki dərəcəsində yeniyetmələr arasında Full-Kempo üzrə II yer , Submission üzrə isə I yer, Məmmədov 65 kq çəki dərəcəsində yeniyetmələr arasında Full-Kempo II yer , Semi - Kempo üzrə III yer və Ayşad Əsgərli 100 kqdan artıq çəki dərəcəsində kişilər arasında Submission üzrə II yerə layiq görülüblər. Rahib Əhmədov isə 70 kq çəki dərəcəsində kişilər arasında Nogdaun üzrə III və Pərvin Hacıyev 95 kq çəki dərəcəsində kişilər arasında Submission üzrə III yeri tutublar.