Topaz Premyer Liqaında mövsüm başa çatmaq üzrə olduğundan artıq bəzi komandalar növbəti mövsümə hazırlığın planlarını cızmağa başlayıblar. Belə komandalardan biri də "Sumqayıt”dı.
"Kimyaçılar” təlim-məşq toplanışını Türkiyədə keçəcək. "Gənclik şəhəri" təmsilçisinin yay toplanış planı hazırdı olsa da, ərazi məsələsi hələ ki, rəhbərlik tərəfindən təsdiq olunmayıb. Buna görə də hazırlıqların qardaş ölkənin hansı şəhərində baş tutacağı bilinmir. Bu, yalnız mövsüm başa çatandan sonra bilinəcək.
Lakin hazırlıqlar iyul ayında 10 günlük və ya 2 həftəlik zaman kəsiyində keçiriləcək. Bundan əlavə, sumqayıtlılar həmi toplanışda yoxlama oyunu da keçirəcək. Əldə etdiyimiz məlumata görə, Aqil Məmmədovun komandası 4 sınaq matçında gücünü yoxlayacaq. Ancaq bu rəqiblərin kim olduğu hələ ki, bəlli deyil. (futbolinfo.az)
Xəbərdən istifadə edərkən istinad etmək vacibdir.
