Yeni mövsümün hazırlıqlarını davam etdirən "Sumqayıt” təlim-məşq toplanışının ikinci mərhələsinə start verib.
Xeberle.com klubun feysbuk səhifəsinə istinadən xəbər verir ki, Samir Abasovun komandası bu gün Ankaranın Qızılcahamam bölgəsində keçirdiyi ilk məşqlə hazırlıq prosesinə start verib.
Xatırladaq ki, "Sumqayıt” Ankarada təlim-məşq toplanışında 3 yoxlama oyunu keçirəcək ki, rəqiblərdən ikisinin adı artıq məlumdur. Komanda iyulun 7-də Rusiya Premyer Liqa təmsilçisi "Orenburq”, 12-də isə Türkiyə 1-ci Liqa təmsilçisi "Gənclərbirliyi” ilə qarşılaşacaq.
Xəbərdən istifadə edərkən istinad etmək vacibdir.
