Xəbər verdiyimiz kimi, 1-6 may tarixlərində İspaniyanın Kataloniya muxtar regionunun Santa Suzana adlı bölgəsində keçirilən fitnes və bodibildinq üzrə Avropa çempionatında Azərbaycan idmançıları tarixi ilkə imza atıb.
Xeberle.com-un məlumatına görə, Avropa çempionatda Sumqayıtda fəaliyyət göstərən "Premium Fitness"in məşqçisi Şəhriyar Xızrı rəqibinin dopinq testinin müsbət çıxmasının ardından 1-ci yerə layiq görülüb. O bundan əvvəl 2-ci yerə layiq görülüb.
Qeyd edək ki, 28 ölkənin idmançılarının mübarizə apardığı Avropa çempionatında kişilərin komanda yarışında Azərbaycan 154 xalla 1-ci, Türkiyə 127 xalla 2-ci və Rumıniya 119 xalla 3-cü yeri tutub. Qadınların yarışında Azərbaycan 4 xalla sonuncu – 27-ci olub. Gənclərdə Azərbaycan 32 xalla 11-ci, veteranlarda 37 xalla 15-ci yerdə qərarlaşıb.
Elşən Yəhyayev
Xəbərdən istifadə edərkən istinad etmək vacibdir.
