"Özüm şahidi oldum ki, Federasiya nəzarətçisi "Sepahan"-"Saypa" oyununun nəticəsini səhv dedi."

Bu sözləri İranın "Naft-Tehran" futbol klubunun məşqçisi Əlireza Mənsuriyan dünən "Traktorsazi" klubunun ölkə çempionluğunu əldən verməsinə münasibət bildirərkən deyib.

"Gördükləri çox çirkin və qeyri-peşəkar iş nəticəsində həm bizim, həm də "Traktorsaz" klubunun oyun sistemini pozdular. Azərbaycan xalqı haqqını bizə halal etsin.", - deyə klub rəhbəri açıqlamasında qeyd edib.

Xatırladaq ki, dünən futbol üzrə İran çempionatının son turunun oyunları keçirilib. Çempionatda qalibi müəyyənləşdirmək baxımından həlledici hesab olunan "Traktorsazi” – "Naft-Tehran” oyunu 3:3 hesabı ilə nəticələnib. Bu da paralel oyunda qalib olan "Sepahan" komandasının çempion olmasını qətiləşdirib. 

"Traktorsazi” – "Naft-Tehran” oyununda azarkeşləri ən çox qəzəbləndirən isə stadionda yayılan dezinformasiya olub. Belə ki, oyunun sonuna az qalmış "Traktorsazi" və tərəfdarlarına bildirilib ki, "Sepahan" - "Saypa" oyunu bərabər nəticə ilə sona çatıb və "Traktorsazi" artıq çempion olub. Bu da "Traktor" k

lubunun ancaq müdafiə xarakterli oyun sərgiləməsinə səbəb olub. Lakin sonradan bəlli olub ki, məlumat səhv verilib. "Sepahan" - "Saypa” görüşü heç-heçə deyil, "Sepahan”ın 2-0 hesablı qələbəsi ilə başa çatıb.  (interaztv.com)