Mayın 17-də Azərbaycan Premyer Liqasının XXXIV turuna yekun vurulub.   
"Bakcell Arena"da "Qarabağ" klubu "Sumqayıt"ı 1:0 hesabı ilə məğlub edib və çempionluğunu rəsmiləşdirib. Görüşdən sonra Ağdam klubunun azarkeşlərinin yer aldığı sektorda xoşagəlməz olay yaşanıb. Belə ki, sevimli komandasının çempionluğunu bayram edən azarkeşlərdən biri - Orxan Salahlı tribunadan yıxılıb. Yaralanan azarkeş Təcili Tibbi Yardım maşını ilə xəstəxanaya çatdırılıb. Fanatın ayağı sınıb.
O.Salahlı Elmi-Tədqiqat Travmatologiya və Ortopediya İnstitutunun cərrahiyə şöbəsinə yerləşdirilib. Onun daban sümüyü sınıb.  
 Publika.az