Sumqayıt TV-nin "İdman Zamanı" rubrikasının bu dəfəki buraxılışı ağır atletikaya həsr olunub. Ağır atletika hələ SSRİ dönəmində Sumqayıtda məşhur olub, bu şəhərdən bir çox tanınmış idmançılar çıxıb. Müstəqilliyimizin ilk illərində də Sumqayıt ağır atletika məktəbi Azərbaycana tanınmış idmançılar bəxş edib. Bunların sırasında Süleymanov qardaşlarının adını çəkmək kifayət edir. Bəs hazırda şəhərimizdə bu idman növünün durumu necədir, hazırda Sumqayıtda gələcəyinə böyük ümidlər bəslənən ağır atletlər yetişirmi? Bu və digər suallara aydınlıq gətirmək üçün ağır atletika üzrə Sumqayıt komandasının baş məşqçisi, tanınmış mütəxəssis Oktay Muxtarovla görüşməyi qərara aldıq. Öncə özü haqda ətraflı məlumat verən həmsöhbətimiz ardınca digər suallarımızı da cavablandırdı.
Anar Xanlarov, Sumqayıt TV