Hazırda Sumqayıtın ən ucaboy sakini "Saşa” ləqəbli Aleksandr Rindindir. A. Rindin 1985-ci il aprelin 5-də Sumqayıt şəhərində anadan olub. Həmşəhərlimizin boyu 225 sm, çəkisi isə 128 kq-dır. Yeniyetmə yaşlarında həmyaşıdlarından fiziki qabiliyyəti ilə fərqlənən qeyri-adi gənc xarici görünüşü ilə də daim Sumqayıt sakinlərinin diqqət mərkəzindədir. Məhz bu fiziki imkanları ona idmanın basketbol növü ilə məşğul olmağa həvəs yaradıb.

19 yaşından başlayaraq professional klublarda karyerasının ilk addımlarını atan Aleksandr Rındinin ilk top qovduğu komanda Bakının "Azal” klubu olub. O, daha sonra ölkənin lider klubu hesab edilən "Qala”da çıxış etməyə baslayıb.

2006 -cı ildən Rusiya Federasiyasının "Ural-Qreyt”, Polşanın "Turov” klublarında səbətin toxunulmazlığına cavabdeh olub. 2011 -ci ildə"Türk Telekom” klubuna dəvət alan "Saşa” Türkiyənn "Qalatasaray BK”, 'Fənərbaxça BK” , "Beşiktaş BK” kimi aparıcı komandaların rəqibinə çevrilə bilmişdi.

Hazırda ABŞ -ın qalmaqallı basketbol turniri sayılan NBA cempionatının ən səviyyəli klublarından olan "Filadelfiya 76” və "Çikaqo Bullz”un maraq dairəsindədir.

2013 -cü ildən "Uqra Universiteti” klubunda dayaq müdafiəçisi rolunu oynayan "Saşa” karyerasını NBA turnirində davam etdirmək fikrindədir.
Nailiyyətlər:
2004-cü il İnkişaf Kubokunun iştirakçısı - IV yer (Andora).
"Qala" BK tərkibində FİBA AvroKubok yarışlarında iştirakı.
2005-ci il I-ci İslam Həmrəylik Oyunlarının Çempionu (Səudiyyə Ərəbistanı).
"Qala" BK tərkibində FİBA AvroKubok yarışlarında iştirakı.
2006-cı il İnkişaf Kubokunun Çempionu (Albaniya).
"Qala" BK tərkibində AvroKubok Çelenc yarışlarında iştirakı.
2008-ci il Avropa Çempionatının "C" divizionu - I yer (Şotlandiya).
2009-cu il "Ural Great" BK tərkibində AvroÇelenc yarışlarında iştirakı.
2011-ci il "Novruz-2011" beynəlxalq turnirin Çempionu (Bişkek, Qırğızıstan); Avropa Çempionatının "B" divizionun B dəstəsində (İsveç, Albaniya, Rumıniya, Belarus) - II yer
2012-ci il "Novruz-2012" beynəlxalq turnirin Çempionu (Bişkek, Qırğızıstan); AvroBasketin seçmə mərhələsinin iştirakçısı.

R.ZEYNALLI/Xeberle.com