"Yenidən burada, mənə dəyər verilən və hörmət edilən yerdə olduğum üçün çox şadam”.
Xeberle.com məlumat verir ki, bu sözləri "Qarabağ”ın yeni transferi Kadi Borges Macarıstan mətbuatına açıqlamasında deyib.
Braziliyalı yarımmüdafiəçi bildirib ki, Ağdam klubunda bütün futbolçulara güvənirlər: "Burada ruhum dinclik, sakitlik tapır. İndi məşqə köklənməyin vaxtıdır ki, meydana mümkün qədər tez qayıda bilim. Komandama uzunmüddətli perspektivdə kömək etmək istəyirəm”.
"Qarabağ”a transferindən söz açan 29 yaşlı futbolçu "Ferentsvaroş”dan öz istəyilə ayrılmadığını vurğulayıb: "Mənim üçün də sürpriz oldu. Növbəti oyunumuza hazırlaşdığım vaxtda idman direktoru mənə zəng edərək klubumu dəyişmək istəyib-istəmədiyimi soruşdu. Dedim ki, gedəcəyim komanda mənim üçün ən yaxşısıdırsa, bəli. Əvvəlcə onun mənimlə danışıqlara başlayacağını düşünürdüm, lakin dərhal başa düşdüm ki, məsələ artıq son mərhələdədir. Agentimə zəng etdim, o da heç nə bilmirdi. Bir-birimizə suallar verdik, heç olmasa bunu izah edə biləcək bir şey tapmağa çalışdıq. Biz hələ də səbəbləri anlamırıq, bu, klubun qərarı idi”.
Qeyd edək ki, "Qarabağ” Kadi Borgeslə 4 illik müqavilə imzalayıb.
Xəbərdən istifadə edərkən istinad etmək vacibdir.
