Bu gün "Sumqayıt” futbol klubu Türkiyənin Antalya şəhərində təlim-məşq toplanışını başa vuraraq vətənə dönür. 
Xeberle.com-un klubun rəsmi saytına istinadən verdiyi məlumata görə, komanda axşam saatlarında paytaxt Bakıda olacaq. İki günlük istirahətin ardından komanda Premyer Liqanın növbəti turu üçün "Neftçi” ilə oyunun hazırlığına başlayacaq.

"Sumqayıt” Antalyada 4 yoxlama matçı keçirib. Qazaxıstanın "Akjayık" klubuna 1:0 hesabı ilə qalib gələn və ardınca Rumıniya təmsilçisi "Voluntari" ilə 0:0 bərabərə qalan "Sumqayıt" son İran çempionu "Sepahan"a 1:2 hesabı ilə məğlub olub. Komanda son matçında 4 qat Rumıniya çempionu "Petrolul”la 1:1 hesablı heç-heçəyə imza atıb.
Xeberle.com