Topaz Premyer Liqasının 36-cı turunda "Sumqayıt”ın qonağı olacaq "İnter”də vəziyyətin ürəkaçan olmadığı hər kəsə məlumdu. Bütün legionerlər "bankirlər”i tərk etdiyi üçün onlar əvəzedici komandanın ümidinə qalıb.
Məsələ burasındadı ki, indi paytaxt təmsilçisinin heyətində futbolçu çatışmazlığı yaranıb. Bu boşluğun isə əvəzedici komandanın hesabına doldurulması planlaşdırılır. Bu səbəbdən də sözgedən komandaların əvəzediciləri arasında sabah baş tutmalı oyun bu günə təyin edilib ki, "İnter”in əvəzediciləri elita matçına qədər bir qədər dincəlsinlər.
Qeyd edək ki, "Sumqayıt” – "İnter” matçı mayın 28-də, saat 19:00-da "Kapital Bank Arena”da baş tutacaq. (futbolinfo.az)
Xəbərdən istifadə edərkən istinad etmək vacibdir.
