Bu gün AFFA İntizam Komitəsinin iclası keçirilib.
Xeberle.com məlumat verir ki, iclasda 2-ci liqanın 18-ci turundakı qayda pozuntuları ilə bağlı qərarlar qəbul edilib.
"Ağdaş” – "Şəki Siti” oyununda "Ağdaş”ın 5 futbolçusu sarı vərəqə aldığı üçün klub 70 manat cərimələnib.
Eyni matçın 90+3-cü dəqiqəsində meydan sahiblərinin 20 nömrəli futbolçusu Ülvi Sarıyev ikinci sarıdan qırmızı vərəqə aldığı üçün 1 oyun cəzalandırılıb, "Ağdaş” 50 manat cərimə edilib.
Sözügedən görüş bitdikdən sonra "Ağdaş”ın azarkeşləri tərəfindən meydançaya kənar əşyalar atıldığına görə klub 80 manat cərimə olunub.
"Şəfa” – "Şəmkir” oyununda qonaqlardan 4 nəfər sarı vərəqə aldığı üçün klub 70 manat cərimələnib.
Bu oyun bitdikdən sonra meydançaya kənar şəxslər daxil olduğuna görə meydan sahibləri 80 manat cərimə edilib.
"Kür-Araz” – "Füzuli” matçında "Kür-Araz” matçın ilkin protokolunu elektron sistemdə gec təsdiq etdiyinə görə 100 manat cərimələnib.
Həmin qarşılaşmada 6 futbolçusu sarı vərəqə aldığı üçün "Kür-Araz" 70 manat cərimə olunub.
Qeyd olunan görüşdə "Füzuli”nin 4 futbolçusunun sarı vərəqə alması səbəbindən klub "70 manat cərimələnib.
Eyni matçda "Füzuli” komandasının adı matçın protokolunda olmayan rəsmi şəxsi Vasif İsmayılov texniki zonada olduğu üçün klub 80 manat cərimələnib.
Xəbərdən istifadə edərkən istinad etmək vacibdir.
