Yay transferi dövründə Ağabala Ramazanov, Nuran Qurbanov və Məhəmməd Alıyevi heyətinə qatan "Sumqayıt” bəzi futbolçuları ilə yeni müqavilə imzalamaq fikrindədi. "Gənclik şəhəri” təmsilçisi Vurğun Hüseynov, Murad Ağayev və Şahruddin Məhəmmədəliyevin müqavilələrini artıq yenilənib.
"Sumqayıt” rəhbərliyinin yeni sözləşmə imzalamaq istədiyi digər futbolçu Nodar Məmmədov olsa da, hələlik tərəflər ortaq məxrəcə gələ bilmirlər. Premyer Liqa təmsilçisi 27 yaşlı müdafiəçiyə 1 illik müqavilə təklif edib. Lakin şərtlərlə razılaşmayan Məmmədov qarşı tərəfə hələ "hə” cavabı verməyib.
Bu məlumatı saytımıza açıqlamasında Nodar özü də təsdiqləyib: "Bəli, "Sumqayıt”la hələ yeni müqavilə imzalamamışam. Odu ki, başqa klublardan gələcək təklifləri də dəyərləndirə bilərəm”.
Qeyd edək ki, karyerası ərzində "Qarabağ”, MOİK, "Qəbələ” və "Rəvan” klublarında da oynamış Məmmədov 2013-cü ildən "Sumqayıt”ın formasını geyinir. (apa.az)
Xəbərdən istifadə edərkən istinad etmək vacibdir.
