Sumqayıt şəhərinin istedadlı gənci Eldar Ağacanov növbəti dəfə adını qaliblər sırasına yazdırdı.
Qazaxıstan, Özbəkistan və Azərbaycanın 16 yaşadək 160 iştirakçısının mübarizə apardığı "Soydaş Uşaqlar" beynəlxalq şahmat turniri başa çatıb.
Yarışda Sumqayıt şəhər 3 nömrəli məktəbin 6-cı sinif şagirdi Eldar Ağacanov bütün rəqiblərinə qalib gələrək maksimum xal toplayıb və birinci yeri qazanıb.
Qeyd edək ki, Eldar Ağacanov bundan əvvəl də bir çox yerli və beynəlxalq turnirlərdə çempion olaraq, parlaq nəticələr göstərib.
Gənc istedada gələcək yarışlarda da uğurlar arzulayırıq!
Xəbərdən istifadə edərkən istinad etmək vacibdir.
