"Sumqayıt” klubu daha bir futbolçusu ilə yeni müqavilə imzalayıb. "Gənclik şəhəri” təmsilçisi Nodar Məmmədovun sözləşməsinin müddətini uzadıb.
Razılaşmaya əsasən, 27 yaşlı müdafiəçi daha 1 il "Sumqayıt”ın formasını geyinəcək. Bu məlumatı əməkdaşımızla söhbətində futbolçunun özü də təsdiqləyib.
"Sumqayıt” rəhbərliyi Məmmədova yeni müqaviləni ötən ay təklif etmişdi. Ancaq "İnter”in maraq dairəsində olan Nodar cavab verməkdə tələsmək istəmirdi. Buna baxmayaraq, "Sumqayıt” ikinci cəhddə Məmmədovu razı sala bilib.
Qeyd edək ki, yay transferi dövründə Vurğun Hüseynov, Murad Ağayev, Şahruddin Məhəmmədəliyev və Bəxtiyar Həsənalızadə ilə yeni müqavilə imzalayan "Sumqayıt” heyətinə Ağabala Ramazanov ("Xəzər Lənkəran”), Məhəmməd Alıyev ("Neftçala”) və Nuran Qurbanovu da qatıb. (apa.az)
Xəbərdən istifadə edərkən istinad etmək vacibdir.
