Ötən gün Azərbaycan Avropa Oyunları çərçivəsində atletika yarışlarında 3 qızıl, 1 bürünc medal da qazanıb. Qazandığımız bu medallar hələlik komandamızın aktivinə əlavə edilməyib və ötən gün olduğu kimi, rəsmi saytda Azərbaycanın yenə 14 qızıl medal aldığı əks olunub.   Məsələni aydınlaşdırmaq üçün Bakı-2015 Avropa Oyunlarının Əməliyyat Komitəsi (BAOƏK) ilə əlaqə saxladıq. Komitədən bildirdilər ki, qaliblər müəyyənləşsə də, mükafatlandırma ertələndiyi üçün medallar rəsmi qeydə alınmayıb.   Qeyd edək ki, ötən gün təmsilçimiz Hayle İbrahimov 1500 və 5000 m, Beji Çaltu isə 3000 m maneəli qaçış üzrə qızıl mükafatlar qazanıblar.   Həmyerlimiz Anastasiya Komarova isə 800 m məsafəyə qaçışda 3-cü olub və bürünc medalı əldə edib. (axar.az)