Azərbaycan Respublikasının Prezidenti İlham Əliyev I Avropa Oyunlarında qazanılmış yüksək nailiyyətlərə və Azərbaycan idmanının inkişafında böyük xidmətlərinə görə bir sıra şəxsləri "Şöhrət” ordeni ilə təltif edib. Təltif edilənlər arasında Sumqayıt şəhərinin idmançıları da var.

Belə ki, müasir dünyanın rəsmən ən titullu karateçisi, dördqat dünya və on iki qat Avropa çempionu, I Avropa oyunlarının qalibi olmuş Rafael Mahir oğlu Ağayev, ikiqat paralimpiya çempionu, iki dəfə dünya çempionatında, 5 dəfə isə Avropa birinciliyində qızıl medal qazanmış, I Avropa oyunlarında ölkəmizin himnini səsləndirən İlham Əzizağa oğlu Zəkiyev, eləcə də Boks üzrə milli komandamızın üzvü 2010-cu ildə Moskvada keçirilənAvropa çempionatının gümüş, 2013-cü ildə Minskdəki qitə çempionatının bürünc mükafatçısı, I Avropa Oyunlarının qızıl mükafatçısı Elvin Rauf oğlu Məmişzadə "Şöhrət” ordeninə layiq görülüblər.

Xeberle.com olaraq idmançılarımızı təbrik edirik və gələcək fəaliyyətlərində uğurlar arzulayırıq.

Xeberle.com