Növbəti mövsümə hazırlaşan "Sumqayıt" da təlim-məşq toplanışına başlayır. Bir neçə futbolçu ilə heyətini gücləndirən "kimyaçılar" sabahdan məşqlərə start verəcək.
"Gənclik şəhəri" təmsilçisi toplanışını hələ ki, doğma şəhərdə keçirəcək. Bir müddət əvvəl klubdan verilən açıqlamada komandanın toplanış üçün Türkiyəyə gedəcəyi deyilirdi. Amma bu haqda hələ ki, yenilik yoxdu.
Qeyd edək ki, sumqayıtlar toplanış çərçivəsində 3 yoxlama matçı keçirəcəklər. İlk qarşılaşma iyulun 4-ü saat 18:00-da "Dalğa Arena"da "Kəpəz"lə oynanılacaq. Növbəti matç isə iyulun 11-i saat 19:00-da "Kapital Bank Arena"da start götürəcək. 3-cü rəqibin kimliyi isə hələ bilinmir. (Futbolinfo.az)
Xəbərdən istifadə edərkən istinad etmək vacibdir.
