"Sumqayıt Kimya Sənaye Parkı” MMC şəhid əməkdaşının məzarını ziyarət edib.
İqtisadiyyat Nazirliyindən Xeberle.com-a verilən məlumatda bildirilir ki, "Sumqayıt Kimya Sənaye Parkı” MMC-nin
kollektivi vətənin ərazi bütövlüyü uğrunda döyüşlərdə şəhid olmuş
həmkarları Asəf Nəsibovun məzarını ziyarət edib, xatirəsini ehtiramla
anıb.
MMC-nin kollektivi şəhid Asəf Nəsibovun
ailəsi ilə görüşüb, qayğıları ilə maraqlanıb, Novruz bayramı
münasibətilə bayram sovqatı təqdim edib.
Qeyd edək ki, cəbhəyə getmək üçün könüllü
müraciət edən Asəf Nəsibov Cəbrayıl, Qubadlı və Laçın rayonlarının
işğaldan azad olunması uğrunda gedən döyüşlərdə iştirak edib və
oktyabrın 29-da Qubadlı-Laçın istiqamətində gedən döyüşlərdə
qəhrəmancasına şəhid olub.
A.Nəsibov döyüşlərdə göstərdiyi igidlik və
şücaətə görə Azərbaycan Respublikası Prezidentinin müvafiq sərəncamları
ilə "Vətən uğrunda”, "Cəbrayılın azad olunmasına görə”, "Qubadlının azad
olunmasına görə”, "Laçının azad olunmasına görə”, "Hərbi xidmətlərə
görə” medalları ilə təltif edilib.
Xəbərdən istifadə edərkən istinad etmək vacibdir.
