Sumqayıt, 7 oktyabr.

Aşağı yaş qruplarında Azərbaycan Futbol Federasiyaları Assosiasiyasının (AFFA) təşkil etdiyi liqalarda 2015/2016-cı illər mövsümünə start verilib. İlk üç turda maksimum nəticə qazanmış "Sumqayıt” klubunun 15 yaşadək futbolçulardan ibarət komandası dördüncü oyunda da qələbə qazanıb.

"Sumqayıt” futbol klubunun mətbuat xidmətindən bildirilib ki, "Ağsu” ilə üz-üzə gələn komanda 8:0 hesablı qələbəyə imza atıb.

Bundan başqa, klubun U-17 komandası da "İnter”i 2:0 hesabı ilə üstələyib.

Həmçinin "Sumqayıt”ın U-10 və U-11 komandaları UGİM-i (Xızı), 13 və 14 yaşadək futbolçulardan ibarət komandası isə AZAL-ı məğlub edib.(AZƏRTAC)