Azərbaycan Respublikası Prezidenti yanında Gənclər Fondunun maliyyə dəstəyi ilə  Sumqayıt şəhərində “Siqaret həm öldürür, həmdə süründürür” adlı layihə keçirilib. Layihənin icraşısı Elbrus Mirzəyev tədbiri açıq elan edərək layihənin başlıca məqsədinin cəmiyyətin siqaret və digər zərərli vərdişlərlə mübarizədə sosial fəallığın artırılmasına nail olmaq, gənclərin zərərli vərdişlərdən kənarlaşması istiqamətində toplumsal bir mübarizə işinin aparılmasının genişləndirməsi olduğunu bildirib.

E.Mirzəyev hazırda il ərzində 5,4 milyon insanın tütündən, siqaretdən istifadə etdiyinə görə dünyasını dəyişdiyini və siqaret istifadəçilərinin 20 % nin xanımlar olduğunu təəssüf hissi ilə qeyd edib.

Daha sonra siqaretin insan orqanizimində törətdiyi fəsadları özündə əks etdirən müxtəlif slayd şəkillər yeniyetmə və gənclərə nümayiş olunmuş və gənc nəsillərə bu zərərli vərdişin gələcəkdə insan bədənində yarada biləcəyi xəstəliklər barədə məlumatlar verilib.

Layihədə iştirak etmiş Suqmayıt şəhər Gənclər və İdman Baş İdarəsinin əməkdaşı C. Hüseynov dövlətimiz tərəfindəndən siqaretlə mübarizə sahəsində bir sıra əhəmiyyətli addımların atıldığını, mühüm qaunların qəbul olunduğunu, artıq küçələrdə, televizyada siqaretin reklam olunmadığının müsbət hal olduğunu diqqətə çatdırdı. 

Daha sonra çıxış edən tələbə-gənclər təşkilatlarının nümayəndələri və fəal gənclər sözü gedən layihənin gənclərin siqaretin zərələri barədə maarifləndirilməsində, eyni zamanda onların sağlamlıqlarının qorunmasında mühüm rol oynayacağını qeyd etdilər.