Sumqayıt Paralimpiya İdman Kompleksində pnevmatik silahdan güllə atıcılığı üzrə şəhər çempionatı keçirilib.
Çempionatda şəhərin ali, orta ixtisas məktəbləri və peşə liseyləri olmaqla ümumilikdə 7 komanda qalib adı uğrunda mübarizə aparıblar. Gərgin və maraqlı idman mübarizəsi şəraitində keçən yarışda Sumqayıt Dövlət Texniki Kollecinin komandası birinci, 3 nömrəli Sumqayıt Peşə Liseyi ikinci və Sumqayıt Musiqi Kollecinin komandası üçüncü yerləri tutublar.
Yarışın qalib və mükafatçıları şəhər Gənclər və İdman Baş İdarəsinin fəxri fərmanı və kuboku ilə təltif olunublar.