Ötən "futbol ili”ni "Neftçala”da keçirən sumqayıtlı futbolçu Məhəmməd Alıyev yeni mövsümdən digər birinci divizion təmsilçisi "Qaradağ Lökbatan”ın uğurları üçün çalışacaq.
Yeni komandasına keçidi haqqında danışan hücumçu bu klubu seçməsinin səbəblərindən bəhs edib: "Əslində, Premyer Liqa komandalarından birinə keçmək istəyirdim, amma müxtəlif səbəblərdən alınmadı. "Qaradağ Lökbatan”ı isə komandanın birinci divizionun ən iddialı klublarından biri olması səbəbindən seçdim. Kollektivin həm güclü olması, həm də klubda şəraitin yaxşı olması seçimimdə əsas rol oynayan məqamlardan oldu”
Xəbərdən istifadə edərkən istinad etmək vacibdir.
