Füzuli şahmat məktəbinin yetirməsi Səmra Rəşad qızı Qasımova məktəbli şahmatçıların Rusiyanın Soçi şəhərində keçirilən dünya çempionatının qalibi olub. 9 yaşlı qız bütün rəqiblərini qabaqlayaraq fəxr kürsünün ən yüksək pilləsinə qalxıb. İkinci və üçüncü yerlərə rusiyalı idmançılar layiq görülüb. Xatırladaq ki, Səmra üçqat Azərbaycan çempionudur. O, 2015-ci ildə Yunanıstanda gənc şahmatçıların dünya çempionatında 124 ölkə təmsilçisi arasında 5-ci yeri tutub. Şahmatçı Moskva Open 2016-nın, habelə MDB olkələrinin komanda yarışının qalibidir. Səmra Qasımova Azərbaycanda keçirilən bir çox beynəlxalq turnirdə çempion adını qazanıb. Gənc şahmatçı 9 yaşlı qızlar arasında Azərbaycanın 1 nömrəli şahmatçısıdır.

Xatırladaq ki, Səmra Füzuli Rayon Uşaq-Gənclər Şahmat İdman Məktəbinin yetirməsidir.