Yəmənin paytaxtı Səna şəhərində şiə qruplaşmaları ilə ordu arasında toqquşmalar başlayıb. Atışma prezident sarayının lap yaxınlığındadır.
Bir neçə gün əvvəl Yəmənin Prezident Administrasiyasının başçısı naməlum şəxslər tərəfindən qaçırılmışdı. İlkin məlumatlara görə, qaçırılmanı şiə etirazçıları (husitlər) təşkil ediblər. Onlar Əhməd Avad Mubarəkin baş nazir postuna namizədliyinin əleyhinə çıxış etmişdilər. Buna cavab olaraq Yəmənin cənub əyalət rəhbərliyi «Husit»lərə Mübarəkin azad olunması üçün 24 saat vaxt vermişdilər.
"Al-Arabiyə"nin məlumatına görə, prezident Mansur Hadinin sarayında atəş səsləri eşidilir.
2011-ci ildə Yəməndə hakimiyyətin dinc yolla dəyişilməsinə baxmayaraq, o vaxtdan qeyri-sabit şərait davam edir. Ölkənin cənubunda Əl-Kaidanın fəaliyyəti narahatlıq yaradır. Həmçinin, «Husit»lər (onlara «Ansar Alla» da deyilir) Yəmənin müxtəlif regionlarında etirraz aksiyaları təşkil edirlər. Onlar hökumətin neft məhsullarına subsidiyaları ləğv etməsi və yanacaq qiymətlərinin artmasına etiraz edirlər.
Hazırda Husit-lər ölkənin qərb və cənub hissələrində vəziyyətə nəzarəti saxlayırlar. (analitik.az)
Xəbərdən istifadə edərkən istinad etmək vacibdir.
