Bir neçə il öncə Azərbaycanda voleybolun yüksək inkişafından hər kəs xəbərdar idi. Lakin sonradan voleybol komandalarımız zəifləməyə başladı, güclü legioner voleybolçular ölkəni tərk etdilər. Sumqayıt da daim öz idmançıları, xüsusən voleybolçuları ilə seçilib. Amma bu gün "Gənclər şəhəri”nin voleybolunun kifayət qədər problemi var. Həmsöhbətimiz  Respublika dərəcəli hakim və məşqçi Dilqəm Qəhrəmanovdur. 2008-ci ildən Sumqayıt voleybol komandasına baş məşqçilik edən D.Qəhrəmanovun  Rüstəmov Vüsal  (MOİK) , Məmmədli Elməddin ("Neftçi”), Əzimov Cavid ("Nəqliyyat”), Həsənov Vüqar  ("Sumqayıt”), Əliyev İlkin  ("Sumqayıt”), Qaraxanov Miryaqub kimi voleybolçuların yetişməsində xidmətləri olub. Hal hazırda yığma komandanın 6 üzvü məzh onun yetirməsidir. Onunla yanaşı, Bəyaz Alıyeva  ("Rabitə”) , Mehdiyeva Türkan da məşqçilər korpusundadır. Dilqəm Qəhrəmanovun xeberle.com-a özəl müsahibəsini təqdim edirik.
- Şəhərimizdə voleybol komandası haqqında qısa məlumat verərdiniz.
Sumqayıtda 10-12 yaş və 12-16 yaş qrupu üzrə 4 komanda fəaliyyət göstərir. Klubumuzda ümumilikdə 60-a yaxın idmançı var. 2016-ci ildə 5 ölkə çempionatı keçirilib. 2 dəfə oğlanlardan ibarət komandamız, 1 dəfə də qızlardan ibarət komanda çempion olub. Oğlanlardan ibarət komandamız Tiflisdə keçirilən "Tblisi Open 2016” beynəlxalq turnirdə 2 ci yer qazanıb.
- Məşqləriniz harada keçirilir?
Hal hazırda 27 saylı orta məktəbin idman zalında məşq edirik. Zal standartlara cavab vermir. Belə ki, bir il öncə tam yararsız olan zalı öz şəxsi hesabımıza təmir etdirdik. Amma bu da yetərli olmadı.
- Deməli, indiki vəziyyətdə komandanın əsas problemi zaldır?
Əsas problem, əsasən, yer problemidir. Bu vaxta qədər biz olimpiya kompleksində fəaliyyət göstərirdik. Amma ötən il bizi oradan çıxartdılar.
- Səbəb nə oldu?
Ödəniş istəyirdilər. Bizim də gücümüz çatmadı. Komandanın ayaqda qalması üçün şəxsi vəsaitlərimizdən istifadə edirik. Eləcə də şəhər Gənclər və İdman baş idarəsi bu yöndə müəyyən  köməklik edir.
- Bəs fedarasiya?
Federasiya ümumiyyətlə maraqlanmır. Bu illər ərzində nə qədər müraciət etsək də, heç bir nəticə vermədi. Federasiya prezidenti Cavid Qurbanovun qəbuluna düşməksə, müşgül məsələyə çevrilib.
- Şəhər rəhbərliyi ilə görüşmək üçün müraciət etmisinizmi? Və ya Sumqayıtda fəaliyyət göstərən iri şirkətlərlə əlaqə yaratmısınızmı?

Xəbərdən istifadə edərkən istinad etmək vacibdir.