Azərbaycan Dövlət Bədən Tərbiyəsi və İdman Akademiyasında (ADBTİA) Nazirlər Kabinetinin "Ali təhsilin magistratura səviyyəsi üzrə ixtisasların (ixtisaslaşmaların) Təsnifat”ında edilən dəyişikliklərlə bağlı mətbuat konfransı keçirilib.
Konfransda ADBTİA-nın rektoru Fuad Hacıyev bildirib ki, Nazirlər Kabinetinin müvafiq qərarı ilə "Ali təhsilin magistratura səviyyəsi üzrə ixtisasların (ixtisaslaşmaların) Təsnifat”ına dəyişikliklərə əsasən bu ali məktəbdə yeni idman jurnalistikası və idman tibbi və reabilitasiya magistr ixtisasları yaradılıb.
Qeyd edilən dəyişikliklərin əhəmiyyətini vurğulayan F.Hacıyev müvafiq istiqamətdə iş aparıldığını diqqətə çatdırıb.
Bildirilib ki, müvafiq ixtisaslarla bağlı ADBTİA-da Avropanın bir sıra qabaqcıl universitetləri ilə əməkdaşlıq əlaqələri qurulub və əməkdaşlıq çərçivəsində idman menecmenti, idman jurnalistikası və idman tibbi və reabilitasiya ixtisasları üzrə magistr proqramları hazırlanır.
Konfransda jurnalistlərin sualları cavablandırılıb.

Xəbərdən istifadə edərkən istinad etmək vacibdir.