İyulun 2-də Heydər Əliyev Mərkəzinin parkında uşaqlar arasında futbol turniri keçirilib. 
Xeberle.com-a daxil olan məlumata görə, turnirdə əvvəlcədən qeydiyyatdan keçməklə 110 nəfər iştirak edib. 
İştirakçılar əvvəlcə məşq edib, onlara oyunun təməl bilikləri – topla davranış, kiçik pas texnikası və b. tövsiyələr verilib. 
Futbol həvəskarları 3 yaş qrupu üzrə (5-7 yaş, 8-10 yaş, 11-14 yaş) komandalara bölünüb və 22 komanda  arasında yarış olub. 
Yarışa "Leon” uşaq futbol klubunun UEFA "B” lisenziyalı məşqçiləri nəzarət edib. Oyunlar zamanı fərqlənən 6 iştirakçıya "Leon” futbol klubuna 1 aylıq üzvlük kartı hədiyyə olunub. 

Xəbərdən istifadə edərkən istinad etmək vacibdir.