
Məğlubiyyətə baxmayaraq Avstraliya yığması gözəl oyun ilə yadda qaldı.
Hollandiya yığması ikinci oyununda Avstraliya üzərində çox çətin qələbə qazandı və xallarının sayını 6-ya çatdırdı.
Oxu.Az xəbər verir ki, oyunun ilk hissəsi gərgin mübarizə şəraitində keçdi: 2 qol və Avstraliyanın inamlı oyunu.
20-ci dəqiqədə Aryen Robben oyunda hesabı açdı. Lakin avropalıların sevinci uzun çəkmədi. Bir dəqiqə sonra Tim Kexill gözəl zərbə ilə oyunda bərabərliyi bərpa etdi.
İlk hissə 1:1.
51-ci dəqiqədə Mark Breşianonun yerinə meydançaya Oliver Bozaniç daxil oldu. Və bir dəqiqə sonra komandası üçün 11 metrlik cərimə zərbəsi qazandı. Mayl Yedinak zərbəni dəqiq yerinə yetirərək Avstraliyanı hesabda irəli çıxartdı.
Lakin təcrübəli hollandlar oyunda dönüş yarada bildilər. 58-ci dəqiqədə Van Persi hesabı bərabərləşdirdi, 68-də isə meydançaya sonradan daxil olmuş Memfis Depay Hollandiyanın qələbə topunu vurdu.
Hollandiya 3:2 Avstraliya
Məğlubiyyətə baxmayaraq Avstraliya yığması gözəl oyun ilə yadda qaldı.
Xəbərdən istifadə edərkən istinad etmək vacibdir.