Sumqayıt Paralimpiya İdman Kompleksində Azərbaycan Respublikasının Milli Paralimpiya Komitəsi (AMPK) ilə BMT – nin Uşaq Fondunun Azərbaycan Nümayəndiliyi (UNİCEF) arasında imzalanmış Memorandum çərçivəsində ölkəmizdə ilk dəfə olraq “Uşaq Paralimpiya İdman Festivalı” keçirilib. Milli Paralimpiya Komitəsindən “xeberle.com”-a verilən məlumata görə, festivalı giriş sözü ilə açan Azərbayca Respublikası Milli Paralimpiya Komitəsinin (AMPK) birinci vitse prezidenti, Uşaq Paralimpiya Komitəsinin İdarə Heyətinin sədri Natiq Qasımov açıb. O,  ölkəmizdə paralimpiya hərəkatının inkişafı, bu sahəyə olan dövlət qayğısı, Uşaq Paralimpiya hərəkatının yaradılması haqqında geniş danışıb. O, qeyd edib ki, festivalın keçirilməsində əsas məqsədi Azərbaycanda Uşaq Paralimpiya Hərəkatının təşviqi məqsədi ilə təbliğat işlərinin aparılması və sağlamlıq imkanları məhdud uşaqları cəlb etmklə, onların abilitasiya və reabilitasiya yolu ilə cəmiyyətə inteqrasiyalarını təmin edilməsinə şəraitin yaradılmasıdır. Eyni zamanda əlil idmanı və paralimpiya dəyərlərini geniş əhali kütləsi arasında təşviq etməklə, fiziki güsurlu gəncləri, xüsusən uşaqları Paralimpiya Hərəkatının fəal üzvlərinə çevirməkdən ibarətdir. 

Festivalda UNİCEF – in Azərbaycan Nümayəndəliyi rəhbərinin müavini Raşid Mustafa və “Əlilliyə Erkən Yardım Portec Şəbəkəsi”- nin sədri, Uşaq Paralimpiya Komitəsinin İdarə Heyətinin üzvü Gülarə Teymurova UNİCEF – lə AMPK – i arasında qurulmuş əməkdaşlıq, Uşaq Paralimpiya Komitəsinin yaradılmasının əhəmiyyətli və inkişafı, bu sahədə qeyri hökümət təşkilatlarının rolu barədə çıxış ediblər.
Rəsmi çıxışlardan sonra uşaq paralimpiyaçı idmançılar və musiqiçilər nümunəvi idman növləri və musiqi nömrələri nümayiş etdiriblər.
Festivalda AMPK – nin prezidenti İlqar Rəhimov, Uşaq Paralimpiya Komitəsinin İdarə Heyətinin üzvləri, qeyri hökümət təşkilatlarının rəhbərləri, sağlamlıq imkanları məhdud uşaqlar və onların valideynləri iştirak ediblər..

Rəsmi çıxışlardan sonra uşaq paralimpiyaçı idmançılar və musiqiçilər nümunəvi idman növləri və musiqi nömrələri ilə çıxış ediblər. Festivalda AMPK–nın prezidenti İlqar Rəhimov, Uşaq Paralimpiya Komitəsinin İdarə Heyətinin üzvləri, qeyri-hökumət təşkilatlarının rəhbərləri, sağlamlıq imkanları məhdud uşaqlar və onların valideynləri iştirak ediblər.

Qeyd edək ki, bu il sentyabrın 27-də dünyada ilk dəfə AMPK–nın nəzdində Uşaq Paralimpiya Komitəsi yaradılıb və ölkəmizdə Uşaq Paralimpiya Hərəkatının yaradılması və inkişafına dəstək olaraq, oktyabrın 8–də AMPK və UNİCEF arasında Anlaşma Memorandumu imzalanıb.