"Rəvan"la oyundan sonra bir qrup "Sumqayıt" azarkeşinin rəhbərlikdən olan şikayətini sizin diqqətinizə çatdırmışdıq. Şikayətin əsas səbəbi fanatlara vəd olunan klub atributlarının 2 həftəyə yaxındır Sumqayıta gətirilməsinə baxmayaraq hələ də paylanmaması idi. Bundan başqa, onların rayon oyunlarına aparılmaması idi.

 Rekord.az xəbər verir ki, həmin yazıdan sonra məsələ öz müsbət həllini tapıb.

 Belə ki, xəbər saytımızdan getdikdən dərhal sonra Sumqayıt klubunun rəhbərliyi narazı fanatların istəyini yerinə yetirib, klub atributları fanatlara paylanıb. Bundan başqa, həmşinin ötən tur Azərbaycan Premyer Liqasının XXII turu çərçivəsində "Simurq"la Zaqatalada keçirilən oyuna azarkeş də aparılıb. Elə "Neftçi" ilə XXIII tur çərçivəsində son qarşılaşmadan çəkilən aşağıdakı fotoda azarkeşlərin boyunlarında yeni paylanan şərflərin, başlarında isə papaqların olması da məsələnin həllinin sübutudur.

/rekord.az/