Son vaxtlar "Sumqayıt" AFFA-nın oyuncağına çevrilib desək yanılmarıq. Son turlardakı 1-2 yaxşı nəticələri nəzərə almasaq, "Sumqayıt"ı heç klub adlandrmaq da olmaz.

“Sumqayıt"ın hal-hazırkı vəziyyətinə münasibət bildirmək üçün, "Gənclik 50" fan-klubunun rəhbəri Həbib İsrafilovla əlaqə saxladıq:

 "Sumqayıt" komandası məqsədsiz bir klubdur. Mənə maraqlıdır ki, AFFA niyə "Sumqayıt"a legioner almğa icazə vermir. Birinci dövrədə alınan futbolçuları isə ikinci dövrədə geri göndərillər. Niyə imkan vermillər ki, futbolçu mövsümü bir komandada başa vursun?! "Neftçi", "Bakı" kimi komandalardan gənc və təcrübəsi olmayan futbolçular gəlir Sumqayıta, burada Premyer Liqa təcrübəsi qazanır, sonra qayıdırlar öz klublarına. Belə başa düşürük ki, "Sumqayıt" AFFA və klublar üçün təcrübə mənbəyidir? Bir dəfə olmur "Sumqayıt"ın heyətini tam əzbərləyək. Hər 6 aydan bir futbolçular dəyişilir. "Bakı" Rəhman Hacıyevi verdi bizə, onun hesabına bir qol gördük. Gələn mövsümdən o da gedəcək öz komandasına və AFFA yenidən zəif futbolçuları bizim komandaya göndərəcək. Belə komanda olmaz. Olanlar "Sumqayıt" klubuna hörmətsizlikdir. Hər il klubların artıq və heç kimə lazım olmayan futbolçularını bura göndərillər".

Cavid ƏHMƏDOĞLU, sportarena.az