Bu gün futbol üzrə Azərbaycan Premyer Liqasında XII tura start verilib.
"Report” xəbər verir ki, ilk oyun günündə bir matç baş tutub.
Lider "Qarabağ”ın "Sumqayıt”la Bakı Olimpiya Stadionunda reallaşan görüşündə meydan sahibləri qələbə qazanıblar – 2:0.
Bu qalibiyyət sayəsində xalını 28-ə çatdıran Ağdam klubu ilk pillədəki yerini bir qədər də möhkəmləndirib. "Sumqayıt” isə 16 xalla 4-cü sıradadır.
Qeyd edək ki, XII turun növbəti oyunları həftəsonu keçiriləcək. Noyabrın 18-də "Keşlə” "Zirə”ni, "Kəpəz” "Səbail”i qəbul edəcək. Noyabrın 19-da isə "Neftçi” evdə "Qəbələ” ilə qarşılaşacaq.
Xəbərdən istifadə edərkən istinad etmək vacibdir.
