Arqentina və Nigeriya mübarizəni davam etdirirlər.

Braziliyanın Salvador şəhərinin “Fonte Nova” arenasında “F” qrupunun sonuncu turunda Bosniya və Herseqovina ilə İran qarşılaşdı.

Oxu.Az xəbər verir ki, oyun bosniyalıların 3:1 hesablı qələbəsi ilə bitdi.

Hesabı 23-cüs dəqiqədə gözəl zərbə ilə Edin Dzeko açdı. 59-cu dəqiqədə Pyaniç fərqi iki topa çatdırdı.

82-də Reza Quçanicat bu qollardan birinin əvəzini çıxdı. Bu həmçinin iranlıların bu çempionatda vurduqları ilk qol idi. Lakin bir dəqiqə sonra Vrşayeviç yenidən fərqi iki qola qədər artırdı.

Bosniya və Herseqovina 3:1 İran.

Hər iki komanda çempionatla vidalaşır.

Paralel keçirilən görüşdə isə Arqentina yığması Nigeriyanı 3:2 hesabı ilə məğlub etdi.

Oyunda hesabı 3-cü dəqiqədə Messi açdı. Lakin bir dəqiqə sonra Ahmed Musa bərabərlik qolunu vurdu.

Hakimin birinci hissəyə əlavə etdiyi dəqilərdə Messi cərimə zərbəsini gözəl yerinə yetirərək dünya çempionatlarında ilk dəfə dubla imza atdı.

Afrikalılar 47 dəqiqədə yenə də Ahmed Musanın sayəsində bərabərliyi bərpa etdilər.

3 dəqiqə sonra isə Arqentina yığması yenə də hesabda irəli çıxdı. Markos Roho fərqləndi. Bu həmçinin oyununda sonuncu qol idi.

Arqentina 3:2 Nigeriya

Beləliklə, bu qələbədən sonra cənubi amerikalılar 9 xalla “F” qrupunda ilk pilləyə çıxırlar. Məğlubiyyətə baxmayaraq, afrikalılar qrupda ikinci yeri tuturlar və pley-offa vəsiqə qazanırlar.